Yangi O‘zbekistonning taraqqiyot strategiyasida belgilangan vazifalarni hayotga tatbiq etish maqsadida O‘zbekiston Respublikasi Prezidenti tomonidan 2024 yil 30 dekabrida PQ-465-sonli qarori qabul qilindi.

Shunga asosan har bir tuman bo‘yicha dala chetlarida ekin ekish imkoni bor yerdan foydalanuvchilarni hosildor urug‘ va ko‘chat navlari bilan ta’minlanishi ustidan nazorat o‘rnatish, dala chetlarida ekin ekish ishlari ustidan monitoring o‘tkazish, agrotexnik tadbirlar o‘tkazishi holatini hamda ekin ekmagan yerdan foydalanuvchilarni aniqlash kabi vazifalar belgilangan.

Bu boradagi ishlarni samarali olib borish maqsadida O‘simliklar karantinini davlat inspeksiyasi tuman bo‘limi tadbirkorlar hamkorligida fermer xo‘jaliklariga ko‘chat yetkazib berish yo‘lga qo‘yilgan. 

Shuningdek, "Guliston" agrotexservis agrofirmasi hududidagi "Chorvador Abduxalil Xakimov", "Azamjon Agro meva" kabi fermer xo‘jaliklariga mevali va manzarali daraxt ko‘chatlari ekish ishlari tashkil etilmoqda.