Қишлоқ хўжалиги вазирлигининг қишлоқ хўжалиги ва озиқ-овқат соҳаларида “Долзарб-30 кун”да  15-апрелдан 15-майга қадар амалга ошириладиган устувор вазифалар ижросини таъминлаш, ҳамда Самарқанд вилоят ҳокимлигининг 05-01/123 рақамли “Йўл харита”нинг тегишли банди ижросини таъминлаш мақсадида Самарқанд вилояти Агрохизматлар маркази томонидан қишлоқ хўжалиги экинларини етиштириш агротехнологияларини илмий асосда ташкил этиш бўйича кўргазмали ва амалий семинар-тренинглар ташкил этилди. Масъулларга ва қишлоқ хўжалиги корхоналарига (фермер хўжаликларига) кузги буғдойни занг касаллигига қарши кураш чора-тадбирларини ўз вақтида ўтказиш бўйича илмий-амалий тавсиялар берилди.