АТРОФ ГЎЗАЛЛИГИ ИНСОНГА ҲУЗУР БАҒИШЛАЙДИ

Мамлакатимизда экологик муҳитни яхшилаш ва айниқса, аҳоли жойлашган худудларда кўкаламзорлаштириш ишларини янада яхшилашга эътибор қаратиш бугун ҳар қачонгиданда долзарб масала сифатида қаралмоқда.Зеро яшил табиат бу инсонга ўзгача ҳузур бағишлаб, унинг руҳиятига ижобий таъсир кўрсатади.Бу эса одамларда тетиклик ва хотиржамликни оширишга хизмат қилади.
Президентимиз Ш.Мирзиёевнинг “Яшил макон” умуммиллий дастури доирасида мамлакатимиз ҳудудларида экологик  мувозанатни барқарорлаштириш  доирасида  янги боғ-роғлар барпо қилиш, атрофни яшилликка буркаш ташаббусини изчил давом эттириш лозимлиги таъкидланган эди.